Sopir Taksi Melihat Penampakan di TPU Pondok Rangon

Ini bukan cerita gue sendiri. Tapi, cerita yang beredar di tengah-tengah masyarakat. Gue cuman mau share aja cerita ini sama kalian. Buat bang admin jangan diedit ye cerita ane.

Yah, ceritanye gini: ada sopir taksi melintas di TPU Pondok Rangon. Tauk TPU Pondok Rangon? Itu lho, pekuburan di deket Cibubur. Luasnya minta ampun. Gue nggak kebayang kalo tinggal di situ. Soalnye pas gue ke tkp, bujuk depan rumah kuburan, kiri-kanan jalan kuburan. Padahal pagi-pagi gue jalan bareng temen ke situ. Gue bayangin gelap banget di situ kalo malem. Nggak ada lampu-lampunya sama sekali.

Oke, balik ke cerita. Si sopir taksi ini lagi nganter penumpang yang tinggal di daerah situ malem-malem. Mungkin dia lagi kejar setoran. Nah, berangkatnya lewat situ kan sama penumpang, jadi masih ada temennye. Pas, baliknye, dia mulai ngerasain hal-hal di luar nalar. Wah, pokoknye ngeri deh. Pas, melintas dia mulai, nggak tauk halusinasi, nggak tauk beneran, jalanin mobilnya meliuk-liuk kayak orang mabok sampe akhirnya taksinye nabrak pohon.

Si sopir masih sadar nih. Dia coba ngacir. Katanye dia ngeliat banyak "sesuatu" gitu. Nggak jelas bentuk dan rupanye. Katanye ngeri. Sampe akhirnye dia pingsan. Dan keesokan harinye ditemuin warga sekitar.

Yah, segini aje cerita gue. Kapan-kapan gue kirim cerita lain ye bang admin :)

Kiriman cerita dari Rendy, Jakarta.

Punya cerita horor menarik? Kirim di sini...